.......................................
أحبائى من وحى مقال لصديق تحت عنوان "سلفينى الطرحة ياستى"كتبت هذه الخاطرة......
سلفينى الطرحة ياستى !!!
عاوزألطم وأشلشل وأصوت
وماتستغربيش قوى ياستى
الرجاله فى زمانناهى اللى بتعيط
مش خشية وورع ياستى
ده صرخ وولولةعلى شرفنا الميت
كرامتنا وعزتنا ياستى
قدمت قربان لصهيونى عمال بيقتل
إخواننا فى فلسطين ياستى
بفجرودم بارد وضمير حكامنا ميت
منعونا من النصرة ياستى
وربطونا بمعاهدة واتفاق سلام بيقيّد
ويربط إيديناوأرجلناياستى
بسلام الخنوع والإستسلام الميت
كلاب وماشية اليهودياستى
فى غزة وعلى حدودنا بتقتل وتقود
وفى كل مرة ومرة ياستى
على أجسادنا بتبول ولمؤخرتنا تشلط
وحكامنا وأنظمتناياستى
لاتملك غير تشجب وتستنكر وتندد
وما فضلناش حاجةياستى
غيرإننا نلطم ونشلشل ونصوت
سلفينى الطرحة بقى ياستى
وإوعى تقولى ياوادعيب الرجالة تعيط
النساء فى فلسطين ياستى
حملن الكلاشينكوف وارتدين كفن الميت
والرضع والشيوخ ياستى
بقوا أهداف لصواريخ وقذائف بتفرتك
واحنا فى أوطاننا ياستى
نستقبل كوندا وبوش بالأحضان والقبل
ونرقص بالسيوف وبأعلى وسام بنقلّد
أقولك مش مهم الطرحةياستى
حملغط وجهى بدم الشهدا وتراب البيوت
وعلى عزتنا وكرامتنا حقعد أشلشل وأعيط
وححط إيدى على خدى وانتظر قرار يصدر
من قمة عروبتنا اللى صارت كجسد الميت
وسامحينى والنبى ياستى
حتى لشرف نبينا ما قدرتش غير أبكى وأعيط
وألطم وأستلف الطرحة وأشلشل وأصوت
.....................................
هناك تعليق واحد:
بارك الله فيك وفى ستك وان اعطتك طرحتها فبالله عليك اعطيهالى عشان اصوت معاك شويه اوركيد
إرسال تعليق