رست هاوس...!!!!!

أحبائى....

تعالوا بنا نستريح فى هذا الرست...عفوا الإسترحة بلغتنا الجميلة..

.إ يه مش تعبانين؟؟؟معلش بس أخوكم تعبان!!

بتقولى هنعمل إيه؟؟حنقول فوازير وكمان نشرب من الزير.

.بتضحك...مش مصدق!!والله ياشيخ مافى غير كدة...

بتقول إيه؟؟عاوز آيس كريم!!!عموما اللى حيحل الفزورة ليه عندى واحد..

كاس !!دا انت طماع طاب قول قرطاس..ولا حتى إستيك...

المهم علشان منطولش..الفزورة عن قطرين؟؟

إحنا قولنا إنك مش عاوزنا نستريح..دا إنت واخدنا لسكة طويلة..

لا يا إخوانى والله الموضوع هزار..

يعنى مش حتتكلم عن قطرى الإصلاح والتنمية؟؟

ليه هو أنا فاضى ولا حتى مصدق...

صحيح صفّر قطر المحطة فكرنى بالحبايب..لقيت قطر الإصلاح معطل وقطر التنمية غايب..

لكن الحكاية إن القطرين فى الفزورةبتاعتى..لاهم كدة ولا كدة..

طيب ياعم قول وربنا يستر........

القطر الأولانى...خمس عربات..ركابه درجة تانيه فاخر وتانية عادية..

هيه وبعدين خلّص..

ما أنا جاى فى الكلام..الركاب عدد هم الفين..

من أولها حتكدب!!

يا إخونا دى فزورتى وأنا حر.

المهم قول...

.المهم الألفين فيهم الف راجل..

بتضحكوا ليه..علشان مبقاش رجالة..

لأ كمل..

وخمسمائة ست..

.برضه بتضحكوا...أكيد سمعتوها قبل كدة..

لأ والله ..

أصل إحنا فكرنا إنهم ألف وألف...

لأ وكمان فيه ثلاث مائة طفل...

باقى مئتان ...

صح ..

تتوقعوا يكونوا إ يه؟؟؟.

................

القطر التانى..

على طول كدة مش لم نخلصوا من الأولانى ..

لأ..دا هيه حلوتها فى حموتها..

ياعم قول..دا إنته حمّه..

متشكر..خمس عربات..

برضه؟؟

أيوه ..

وفيه ألفين..ألف راجل وخمسمائة ست وثلاثمائة طفل..

الله هو إنتوا عارفنها؟؟

يا عم ما إنته لسه قايلها...

قصدكم على الأولانى..

أيوه؟؟

طيب الشاطر يقول السؤال إيه...؟؟؟

السؤال ياسيدى..تتوقعوا المائتين الباقيين إيه؟؟

هههههههههه..غلط..

طيب قول يا فالح!!

غلب حماركم!!!

من زمااااااااااااان.....

السؤال يا حلوين ..القطرين حيطسوا( يصتدموا )فى بعض إمتى وفين؟؟؟؟؟؟؟؟؟؟

..................................

اللى يعرف الإجابة يكتبها فى تعليق..وليه عندى واحد آيس كريم......