أحبائى...
تكملة لمواضيع حوارات الطرشان التى تعج بها حياتنا أقدم لكم اليوم حوار....
بين عريس وعروسة..
ليلة الزفاف...
( نموزج(2) )
.............
*- أخيرا ياحبيبتى إتقفل علينا باب..
*- من أولها حتخلى عيشتى هباب
هو إحنا لسه إبتدينا...
*- أيوه والله غدينا الناس...
*- خلاص..ياراجل دا إحنا
لسه فى أول ليلة......
*- بليلة..لأ دا الحلو كان
كاستر وجلاش.....
*- ببلاش..عندك حق ماهو
أبويا مادققش معاك.......
*- سواك..والله فكرة أحسن
من المعجون والفرشة...
*- وكمان غديتوا الناس كرشة
يعنى مكنش فيه لحمة..
*- معاكى حق والله أنا ضارب
لخمة ومش عارف....
*- بتعايرنى بكام ألف صارف
من أولها.......
*- أفوّلها هو إنتى فاكرانى تاكس
وكمان البزين بقى غالى....
*- وكمان حتسود عيشة عيالى
متقطعش إحنا لسه فى أولها..
*- طبعا أقولها إنتى حبيبتى
ونور عينى.......
*- وكمان لسه حتورينى أكتر
من كده إيه...
*- إخيه...على مين ياولية؟؟؟
*- جلابية..دا أنا جايبالك
أغلى بيجامة......
*- حماتى بعتالى بطة وحمامة
كتّر خيرها...
*- كنت عاوزنى أبدلها..طيب
أحسن روح طفى النور..
*- يا نهارك أسود ..بتقولى
ياعم غور..!!! طيب..
إنتى طالق بالتلاته !!!!
...................
هناك تعليقان (2):
حضرتك حضرت الفرح وصيفت ولا دخلت مع العرسان..؟ياخوفي لو كل العرسان الجدد اتبعوا هذه الطريقه في الحوار سيصبح عدد المطلقات في الليمون...باشا
حضرت الفرح ..وبس...وبلاش قر ..
وخليها فى سرك
إرسال تعليق