أحبائى..فى نشر على مدونة قهوة عربى بيتى الأول الذى فى ربوعه تعلمت التدوين وبين أركانه تعرفت على زهور شابة تهيم فى حب مصر صبابة مثلى نشر صديقى /أحمد خيرى الملقب بالباشا بوست كتب فيه نفسى أحضنك وأبوسك يا مصر... تجدونه على هذا الرابط..
ولهذا اليوم وعلى مدونتى وبيتى الثانى أكتب ردا على أمنيته وليس تعليق لأقول فيه..
أحضن وبوس على راحتك
ياباشا...
ماهية برضك ست الحبايب
مصر دى أمى وأمك وكل
مصرى ...
ليه فيها نصيب وكمان نايب
مسيحى كان أومسلم ولويهودى
ياعمناعلى..
أرضها عايش ومن نيلها شارب
مصر أم الدنيا بحق وكل إنسان
حر فى أى مكان..
ومن أى دين فى حبها مغرم دايب
وعلى مدار كل العصور كل إنسان
يا ابن خيرى..
ليه فيها أطماع أغراض ومآرب
والكل من فرط حبها نفسه يحضنها
ويبوس زيك ...
ويتمرمغ فى ترابها بس خايف
يرتمى فى حضن مع الفاسدين
والمحتكرين..
اللى عايشين فيها حيات وعقارب
ومعششين فى سماها وفى أركانها
كما الخفافيش وكمان شر العناكب
ومعاك ...
يا أحمد..أدينى بأقولها وحرددها
بصوت عالى ..
نفسى أحضنك وأبوسك يا مصر
بس خايف !!
مش يزعلوا منى الخدود ..
ولا الشفايف!!!
لكن ..
من الحيات والعقارب
وكمان الخفافيش والعناكب
اللى أفسدوا حياتنا واحتكروا
السلطة ومقدراتنا وسرقوا..
ثرواتنا من الأسمنت والحديد
وكمان السكر معبأ وسايب!!!!
ووطنوا فينا الخوف والأمراض..
تقتل من غير رحمة...
الراجل والست وكمان الأمانى
والأحلام بدون ما تفرّق..
ما بين إنسان الواد والبنت والشايب!!!!
لكن من غير يمين...ومع الخوف
بقول سأحضنك وأبوسك يامصر..
والحاضر يعلم الغايب!!!
مصر دى أمى فى حبها هيمان
وكمان دايب!!
ومهما كان منى عنها ...
فالإبن دوما يغاربس ..
من غير كره على ست الحبايب!!!
**********
هناك تعليق واحد:
ايه اللي انا سامعه ده..ايه اللي انا شايفه ده...ده شرف كبير لي يادكتور ان اسمي وبوسي وحضني ينكتب في مدونتك بس وربنا الست دي تستاهل ان الكل يبوسها ويحضنها مهما حصل فيها ومها شفنا منها وفيها وربنا نفسي تبوسني وتحضني زي ماانا نفسي ابوسها واحضنها.تحياتي لك..رائع كالعاده
الباشا
إرسال تعليق