أحبائى..وحتى فى ساعات السفر لقيتنى لسه باحلم ..
(0)
سأل سائل بأمر واقع...أيهما يصدق المنام أم..الحلم ..أم الخبر..؟؟؟ثم قال ..الحلم سجن ..والمنام اتسرق ..ولم يعد يهم أن ...يأتينا أحد ..بأى خبر..فقلت ..كلا..الحلم لم يسجن أو حتى...المنام اتسرق...ولم يعز الزمان ..بمن يأتينا .. بالخبر.. ولا حتى خرم الودان ضاق ..دا...الحلم ضاع أدراج رياح ..كثرة المعشمين ...والطامعين..فى الجائعين للخبز... ،والمتعشمين بالحــــــــــــــــــــلق.!!!
جوه القطر وبراه..
دويتـــــــــــــــــو بين اثنين.!!
(1)
جوه القطر المجرى بصحبة ولدى
كنا بنحسب روحنا بروحنا
وضحكه تجبنا وضحكه تودى
سألنى وقالى امتى يابويا شعرك شاب
سرحت ورحت
وقولت فى يوم ومن غير ما ادرى
طق الشعر الابيض وشايفه بيجرى
وحتى الوش اتغير لونه وكشكش منى
ورعشه ف صوتى تقولى بإنى
سرقنى العمر وفجأه
لقيتها ماهياش صورتى
حتى الحس ماهواش حسى
واحد تانى بنفس الاسم
حتى الكسم ماهواش كسمى
حتى الفكر ماهواش فكرى
يااااه يا محمد ليه صحتنى
بس بجد ياولدى كنا عيال رجاله
نعرف كيف نحب
وكيف الحق بيناتنا ما بيتدارى
كنا شقاوه وكنا نقاوه
وكانت معنى الكلمه
بطعم الشهد وطعم حلاوه
عمر العيبه ما عرفت بيتنا
وعمر لسانا
بسيره زيد او حتى جارتنا
كانت رجلى عارفه الجامع والكتاب
كنا طبيعى نسابق بعض فى احلى كتاب
وفوقت بقولتك ياله يابويا وصلنا خلاص
سيبت الذكرى جوه القطر
ورجلى خدتنى قوام للباب
**
المهندس/ عبدالرحمن فهمى
(2)
....وجوه الذكرى أدينى معاك...
بره القطر زى جواه..،
وفى الكتّاب مع الكتاب ..
أهل وإخوان...
كنا بنسمع شيبتنا هود .!
وأخواتها..
أما اليوم فشيبتنا الهموم .!
والخطوب..
وحال الدنيا المقلوب..
اللى فوق بقى تحت.،
واللى تحت بقى فوق..
وشعب مغمى عليه ..،
بقاله زمان وحقوب..،
ومنعرفش إمتى حيفوق..؟؟
وحتى القطر يا عبد الرحمن..
مبقناش ضامنين ليه الوصول..،
لمحطة الأمن والسلامة.،
ولا للتنمية وكمان الإصلاح.،
مش بس بسبب الحرق .،
وجاموسة الإصطدام.،
لكن صفر القطر المحطة..
فكرنى بالحبايب ..
ولقيت قطر الإصلاح معطّل.،
وقطر التنمية غايب.،
فى كل أرض المحروسة..
من الأسكندرية حتى..
شلاتين وحلايب.،
وبقينا يا عبدالرحمن..
معيرة بين العدا.،
وكمان الحبايب..،
والكل فينا....؟؟
إما شمتــــــــان .!
أو عــــــــــــــــــــايب.!!!!!
*******
د/ محمد حجر
ليست هناك تعليقات:
إرسال تعليق